Tiyang jawi nduweni pola gesang ingkang unik. Tingkah
laku lan sifatipun tiyang jawi ing panguripan wonten masyarakat angel
dimangeteni ugi mboten saged dipun kira-kira kanthi temenan. Tiyang jawi pinter
sanget ngumpetake karepipun.
Kejawi punika ugi nduweni prinsip ingkang
nuduhaken menawa tiyang jawi menika mesthi andhap asor, ngajeni marang tiyang
sanes ugi rela ngorbanake punapa kemawon kangge tiyang sanes. Saengga saged
mujudake panguripan ingkang rukun lan tentrem. Tiyang jawi bakal tetep ngajeni
marang tiyang sanes ingkang langkung dhuwur umure, derajate utawa palenggahane.
Perkara menika ingkang bakal dados dasar pembahasan menawa unggah-ungguh punika
penting.
Unggah-ungguh
miturut bahasa yaiku gabungan saking tembung unggah lan ungguh. Tembung unggah
wonten ing kamus basa jawa tegese munggah, yaiku tiyang jawi nalika ngajeni
marang tiyang sanes adedashar marang tingkat palenggahan utawa derajat ingkang
lewih dhuwur. Dene tembung ungguh tegese wonten, papan, pantes utawa cocok. Iku
nduweni makna menawa tiyang jawi ngajeni marang tiyang sanes kudu mirsani utawa
nggatekake kahanan lan kudu ati-ati.
Unggah ungguh wonten ing ilmu basa
jawa inggih menika saking tembung
dwilingga salin swara saking tembung “ungguh” ingkang di pun baleni kaping
pindo. Tegesipun tembung ungguh inggih menika kepripun tumindake marang tiyang
sanes ingkang kita ajak
sesambungan,ingkang dipun dasarake marang strata,tingkatan,kasta lan
levelenipun.
Unggah-ungguh
Basa Jawa ngemu surasa ngudi subasita/tatakrama tumuju kapribadhen kang
santosa, kang bisa diwujudake watak andhap asor, ngajeni tiyang sanes
adhedhasar lantiping sasmita, tajem ing panggraita, alus rasa pangrasaning ati,
lan watak-watak luhur liyane marang sapadha-padhane manungsa.
Unggah-ungguh
Basa Jawa yaiku adat sopan santun, tatakrama, tatasusila nggunakake Basa Jawa.
Undha-usuke Basa Jawa miturut unggah-ungguhe kena kaperang dadi 5, yaiku :
1. Basa ngoko, kaperang dadi 2, yaiku Ngoko Lugu lan Ngoko Andhap
(isih kaperang maneh dadi 2, Antya Basa lan Basa Antya).
a.
Ngoko Lugu
Ngoko Lugu yaiku minangka tataran basa kang paling
asor ing undha usuk Basa Jawa. Wujud tembunge ngoko, ora ana tembung krama
utawa krama inggil tumrap wong sing diajak guneman.
Gunane kanggo guneman antarane :
·
Wong tuwa marang bocah enom
·
Wong kang sadrajad utawa wis raket sesrawungane
·
Wong apangkat dhuwur marang pegawene
·
Bocah cilik karo kancane
·
Ngunandika (ngomong dhewe)
b.
Ngoko Andhap, yaiku basa
ngoko kang alus sarta luwih ngajeni marang wong kang diajak guneman. Wujude
arupa basa ngoko kacampur tembung krama inggil tumrap wong kang diajak guneman.
Yen dirasa kurang ngajeni sok dicampur tembung krama sawetara. Panganggone basa
ngoko andhap iku kanggo guneman antarane :
·
Sedulur tuwa marang sedulur enom kang luwih dhuwur
drajade
·
Bojone priyayi marang sing lanang
·
Priyayi marang priyayi yen wis ngoko-ngokonan
(kulina/raket)
2.
Basa madya, kaperang
dadi 3, yaiku Madya Ngoko, Madyantara lan Madya Krama.
a.
Madya Ngoko
Basa Madya Ngoko iku lumrahe kanggo bakul padha bakul,
priyayi marang sor-sorane.
b.
Madyantara
Basa Madyantara iku lumrahe kanggo wong padesan marang
wong liya kang dianggep luwih tuwa utawa kinurmatan padha-padha priyayi sing wis kulina, bojone
priyayi marang sing lanang (yen durung kulina), priyayi marang sanake tuwa kang
luwih asor.
c.
Madya Krama
Basa Madya Krama iku lumrahe kanggo padha-padha
priyayi sing wis kulina, ojone priyayi marang sing lanang (yen durung ngoko)
3.
Basa Krama, kaperang
dadi 5, yaiku Kramantara, Mudha Krama, Wredha Krama, Krama Inggil, lan Krama
Desa.
a.
Kramantara
Kramantara wujude tembung madya, krama, lan krama
inggil. Kramantara digunakake dening sapadha-padha, ngajeni sawetara, lan
lagune kumraket.
b.
Mudha krama
Mudha krama wujude tembung krama. Tumrap wong kapindho
nganggo krama inggil. Mudha krama digunakake dening wong enom marang wong tua,
priyayi maran sababage, lan marang kanca kang durung patia wawuh.
c.
Wreda Krama
Wujude tembung krama digunakake dening wong tua marang
wong enom nanging ngajeni sawetara.
d.
Krama Inggil
Basa Krama inggil yaiku basa kang tujuane kanggo
ngajeni banget marang sing dijak guneman, meh padha karo Basa Mudha Krama.
e.
Krama Desa
4.
Basa Kedhaton.
Wujude tembung krama basa kedaton, digunakake dening sentana abdi dalem
ratu manawa guneman wonten saroning cepuri kraton utawa ing ngarsane ratu.
5.
Basa Kasar
Wujude mung ngoko lan ucapane utawa lagune kasar. Digunakake marang
dening wong kang ngremehake marang wong kang diajak guneman utawa basa kang
wong muring-muringv(nesu).
Unggah-ungguh
utawi ingkang ateges tata sopan santun wonten ing sikap lan tata laku manungsa
wonten ing panguripan sadinten-dinten sampun ngalami lingsire eksistensi
maknane. Wonten perkembangane, ing jaman biyen tiyang jawi tesih taat lan patuh
utawa tunduk marang apa kang dianggep leluhur utawa wejangan sesepuh mboten
ucul saking unsur ingkang nglatar wingkingipun. Ananging ing jaman saiki akibat
wontenipun pegaruh ilmu pengetahuan ingkang sang saya maju, budaya wetan ( keramahan ) sampun lingsir.
Unggah-ungguh
menika perlu,amargi:
1. Unggah-ungguh
Basa Jawa ngemu surasa ngudi subasita/tatakrama tumuju kapribadhen kang
santosa,
Wontene unggah-ungguh menika saget
ndadosake kepribadiane tiyang ingkang sae, amargi unggah-ungguh menika kaya
aturan nanging mboten kaserat nanging lesan. Unggah -ungguh iku saged njaga
rasa hormat antawis sipun tiyang enem marang tiyang sepuh amargi unggah-ungguh
menika saged ndadosake kit nduweni tindak-tanduk ingkang sae kalih tiyang
sepuh. Kanthi wontene unggah-ungguh menika saged ndadosake raos tiyang sanes
dipun hurmati dateng kita ing masyarakat.
2. Unggah-ungguh
iku gawe urip tumata, lan gawe tindak-tanduke manungsa kang mboten sekarepe
dhewe.
Unggah-ungguh
menika yaiku aturan ingkang digunakake
dening tiyang jawi kangge wawan rembug. Kanthi anane unggah-ungguh menika kita
sedaya dados nduweni aturan kepriye sakmestine dhewe nalika wawan
rembug.Kepriye dewe nalikane ngendika kaliyan tiyang sepuh, nalika ngendika
sesami utawa nalikane ngendika kaliyan tiyang ingkang lewih enom. Kanthi menika
nalikane wawan rembug kita mboten saged sakarepe dhewe sahingga uripe saget
tertib.
Wontene unggah-ungguh gawe masyarakat jawi tumidak ati-ati
utawi mikirake tiang sanes mboten sakarepe dewek. Wong jawa kang nduweni
unggah-ungguh bakalan mikir sadurunge ngucap utawa tumindak. Sahingga tiyang sanes
ingkang dipun ajak guneman mboten tersinggung amargi pangucapane mboten leres
lan kejaba menika tiyang kasebut ugi saged ngurmati awake dewek.
No comments:
Post a Comment